Xəbərlər  |
 |
2007-07-23
Rabitəbank-ın aktivləri 2007-ci ilin ilk 6 ayı ərzində 35% artıb
Rabitəbank ASC 2007-ci ilin ikinci rübünü yüksək maliyyə göstəricilərlə başa vurub. Cari ilin yanvar-iyun aylarının maliyyə yekunlarına əsasən, Bankın aktivləri ilin əvvəli ilə müqayisədə 35% və ya 15,5 mln. manat artaraq, 59,9 mln. manat təşkil edib. İlin 6 ayının nəticəsinə görə bankın kredit portfeli 14% artaraq 34,5 mln. manat təşkil edib. Bankın məcmu kapitalı 30 iyun 2007-ci il tarixinə 12,8 mln. manat təşkil edib.
Bankın depozit portfelinin həcmi ilin əvvəlinə müvafiq göstəricisi ilə müqayisədə 43,4% və ya 12 mln. manat artaraq 44 mln. manat təşkil edib. Depozitlərin strukturunda fiziki şəxslərin müddətli depozitləri ilin əvvəlindən 30% artaraq 16,4 mln. manat təşkil edib. İlin ilk 6 ayı nəticəsində bankın ümumi gəlirləri 3,77 mln manat, ümumi xərcləri isə 3,10 mln manat təşkil etmişdir. Beləliklə, 2007-ci ilin iki rübü nəticəsində bankın vergi çıxılmazdan əvvəl mənfəəti 2006-cı ilin analoji göstəricisi ilə müqayisədə 13,3% artaraq 672 min manat təşkil etmişdir.
2007-ci ilin əvvəlindən Rabitəbank Bakı şəhərinin Səbayıl rayonunda və Qusarda yeni filiallar acmışdır. Bununla da 5-i Bakıda, 9-u regionlarda olmaqla Bankın filiallarının sayı 14-ə çatmışdır.
|
