21 aprel 2008-ci il tarixindən etibarən Rabitəbank fiziki şəxslərə təqdim olunan müddətli depozit faizlərini artırdı. Belə ki, Universal depoziti üzrə maksimal faiz dərəcəsi 21%-ə çatdırıldı.

Müştərilərin tələblərinə maksimal uyğunlaşdırılması ilə fərqlənən "Universal" depoziti 3 aydan 3 il müddətinə kimi açıla bilər və depozit üzrə faizlər aylıq, 3 aydan bir, 6 aydan bir, ildə bir dəfə və müddətin sonunda alına bilər. Əmanət Azərbaycan manatı, ABŞ dolları və Avro-da qəbul olunur və depozit açmaq üçün minimal məbləğ 250 AZN/ABŞ dolları/Avro təşkil edir. Əlavə olaraq depozit hesabı açan hər bir müştəriyə faizlərin alınması üçün pulsuz Cirrus Maestro debet plastik kartı və əmanətin məbləğinin 30% qədər limiti olan Master Card kredit kartı təqdim olunur. 

Rabitəbank 1993-cü ildən fəaliyyət göstərir və hazırda ölkənin 15 ən böyük bankları sırasına daxildir. Rabitəbankda 31 mart 2008-ci tarixinə fiziki şəxslərin depozitlərinin həcmi 28,7 mln manat təşkil etmişdir. Həmin tarixə bankın aktivlərinin həcmi 95 mln manat, kapitalı isə 14 mln manat olmuşdur. Bankın filial şəbəkəsi 17 filialdan ibarətdir, o cümlədən 6 filial Bakı şəhərində və 11 filial ölkənin regionlarında fəaliyyət göstərir.