Korporativ idarəetməyə dair qanunvericiliklə müəyyən olunmuş tələbləri əsas tutaraq Bankda etibarlı, şəffaf idarəetmə və hesabatlıq sisteminin təşkili, daxili nəzarətin və risklərin idarə olunmasının effektivliyinin təmin edilməsi.

Bankda daxili audit siyasətinin və strategiyasının hazırlanması, həyata keçirilməsi və auditor nəzarətinin təşkil edilməsi.

Bankın fəaliyyəti dövründə qarşılaşa biləcək risklərin proqnozlaşdırılması, onların ehtimal olunan həcmi və nəticələrinin müəyyən edilməsi, risklərlə bağlı yarana biləcək xərclərin (zərərin) qarşısının alınması və onların minimallaşdırılması üzrə tədbirlərin hazırlanması və həyata keçirilməsi.

Bankın strateji planının icrasının effektivliyinin qiymətləndirilməsi, çoxillik strateji hədəflərin monitorinq edilməsi və bu istiqamətdə İdarə Heyətinin fəaliyyətinə nəzarətin təmin edilməsi.

Kredit siyasətinin müəyyənləşdirilməsi, kredit portfelinin diversifikasiyasının, kredit limitlərinin, kreditləşmə üzrə qərar qəbuletmə səlahiyyətlərinin müzakirəsi, bank qarantiyası və layihələrin maliyyələşdirilməsi barədə qərarların qəbul edilməsi üzrə məsələlərin, habelə kreditlərin şərtlərinin dəyişdirilməsi və ya restrukturizasiyası üzrə qərarların qəbul edilməsi.

Baş ofis, filiallar və şöbələrin yüksək ixtisaslı kadrlarla komplektləşdirilməsinin təmin edilməsi, əməkdaşların irəliləmə və qiymətləndirilmə proseslərinin təşkili, Bank əməkdaşları arasında konstruktiv əlaqələrin formalaşdırılması və qorunması, insan resurslarının inkişafı strategiyası və siyasətinin müəyyən edilməsi.

Bankın müştəri xidmətləri strukturlarının xidmət keyfiyyətinin artırılması və müştəri məmnuniyyətinin yüksəldilməsi üçün onlardan daxil olan şikayətlərin araşdırılması, şikayətlərin yaranma səbəblərinin təhlili və aradan qaldırılması yollarının tapılması məqsədilə İdarə Heyətinə tövsiyələrin verilməsi.