Sahibkarlara Kredit - ABİF

Tələb olunan sənədlər

Şəxsiyyət vəsiqəsi, VÖEN, Layihə keçirildiyi yerin torpaq sənədi, Nizamnamə (hüquqi şəxs olsa), Dövlət reyestrindən çıxarışı (hüquqi şəxs olsa).

Fondun vəsaitlərinin istifadəsi istiqaməti ►

Güzəştli kreditlər ►

Maliyyələşmə şərtləri:

Sahibkarlıq subyektlərinə Fondun vəsaiti illik faiz dərəcəsi 5 faizədək olmaq şərti  ilə Kənd təsərrüfatı məhsullarının istehsalı və emalı və sənaye məhsullarının istehsalı və emalı istiqamətində məbləği 500 min manatadək olan dövriyyə vəsaitinin alınması (yalnız xammal alışı) məqsədilə güzəştli kreditlər aşağıdakı hədlərdə və müddətlərdə verilir:

• Məbləğ: 5 000 - 10 000 000 manatadək
• Müddət: 10 ilədək
• Güzəşt müddəti: ümumi müdddətin  ½ nisbəti həddində
• Layihədə sahibkarın şəxsi iştirak payı: Kredit məbləği 200-500 min manat aralığında olduqda minimum 30%

Avadanlıq krediti

Avadanlıqların girov qoyulması yolu ilə mövcud avadanlıqlarını yeniləmək və ya yeni avadanlıqlar əldə etmək istəyən sahibkarlıq subyektlərinə illik faiz dərəcəsi 9 faizədək olmaq şərtilə aşağıdakı şərtlərlə verilir:

• 5 000 manatdan 3 000 000 manatadək (5 ilədək);
• avadanlıqların alınması üçün nəzərdə tutulan kreditlərdə güzəşt müddəti avadanlığın quraşdırılması üçün tələb olunan vaxt nəzərə alınmaqla,12 (on iki) aydan çox olmamalıdır;
• kreditlərin təminatı kimi alınan avadanlıqlar müvəkkil kredit təşkilatının xeyrinə yüklü edilməli və Daşınar əmlakın yüklülüyünün dövlət reyestrinə daxil edilməli;
• kreditlər yalnız yeni avadanlıqların alınması üçün verilməli;
• sahibkarlıq subyekti avadanlığın qiymətləndirilməsi nəticəsində müəyyən edilən satış dəyərinin minimum 20 faizi (yerli istehsal məhsulu olan avadanlıqlar üçün isə 10 faizi) həcmində müvəkkil kredit təşkilatına ilkin ödəniş etməlidir.

“Qarabağın Bərpa, Yenidənqurma və İnkişafı” üzrə ABİF krediti

İşğaldan azad edilmiş ərazilərdə fəaliyyət göstərən sahibkarlıq subyektlərinə verilən kreditlərin dövlət zəmanəti ilə təmin edilməsi və kredit faizlərinin subsidiyalaşdırılması qaydası

Dövlət zəmanəti verilən kreditlər aşağıdakı tələblərə cavab verməlidir:

• hər bir sahibkarlıq subyekti üzrə kreditin məbləği 5 000 000 (beş milyon) manatdan çox olmamalı;
• kreditin illik faiz dərəcəsi 15 faizdən yuxarı olmamalı (10 faizədək hissəsi dövlət tərəfindən subsidiyalaşdırılır);
• kreditin müddəti 7 ildən çox olmamalı;
• kredit üzrə güzəşt müddəti kreditin müddətinin yarısından çox olmayaraq, 36 (otuz altı) ayadək olmalı;
• bir kredit üzrə verilən dövlət zəmanətinin kreditə nisbəti 90 (doxsan) faizdən çox olmamalıdır.

İşğaldan azad edilmiş ərazilərdə fəaliyyət göstərən sahibkarlıq subyektlərinin müvəkkil kredit təşkilatlarından manatla alacaqları kreditlərə zəmanətin, o cümlədən dövlət zəmanətinin verilməsinə və həmin kreditlərə hesablanmış faizlərin bir hissəsinin subsidiyalaşdırılmasına dair tələbləri, müraciət qaydasını, zəmanət və faiz subsidiyası üzrə ödəniş şərtlərini və digər məsələləri müəyyən edir. 

FİFD: min.15.69%-maks.21.32%